ESCURSIONISTICA Vetta d'Italia (Klockerkarkopf) del 25/09/2005
La Vetta d'Italia? Se la studia ale elementari e alora con tute le zime che se fa, come se pol evitarla?? E cosi' ne trovem ale 6 col Max e 'l Stefano e via per la Val Aurina: arivem a Predoi, quindi Kasern ale 8 e meza (200 chilometri), metem i scarponi e via! Le relaziom che se trova en giro su internet le fa intender propri poc de sta zima: servira' ramponi? imbrago? Mah.... mi per sicurezza togo su tut.... Alora, partim da quota 1450, e ne addentrem su per la testata della val e dopo aver camina' per n'ora arivem a 'na prima malga.... a dir el ver a lezer la relaziom ero convint che el bivio per la Vetta d'Italia el trovesem poc dopo la partenza, ma no podevo verificar perche' ero convint de aver lasa' la cartina en macchina (envenze l'era en mez ale traie del me zaino: solito casinista....). Comunque domandando anca ala zent che se encontreva i ne diseva tuti che erem sula giusta direziom.... e alora, avanti! Ma quanto! Vers le 11 e en quart sem arivai al rifugio Tridentina a 2405m.: dopo 'na sosta, el rifugista el ne conferma che sem sulla giusta strada (dovem ciapar el bivio a sinistra) e el ne annuncia altre 2 ore de camminada! E che camminada! Tut 'na pietraia en piano che ricosteggia (endrio) la val per tre quarti d'ora... e finalmente se scominzia a salir vers la vetta. La zima no l'e' per nient evidente, en par de vecioti che encrosem sula strada del ritorno i ne spiega che la vetta se la distingue perche' gh'e' su costrui' su en fortim... e cosi' arivem enzima che l'e' le una e meza: ferratine no ghe n'era e neanca bisoign de ramponi.... oltretutt la relaziom (che entant evo ritrova' en mez al casim del me zaino) no la torneva (ma la zima l'era quella!). Beh, en pratica al bivio iniziale erem nai driti e evem fat zima ma con na traversata moooolto pu' longa! Meio! Saresem tornai zo dala banda giusta e avresem cosi' fat en giro ad anel! Dopo le dovute foto de vetta, en bocom e 'n grapim ha taca' a fiocar (el temp l'e' sta' bel tuta la matina, sol enzima el s'era ennuvola') e cosi' ne sem enviai vers val. Sto colp en direziom del rifugio (ex caserma g.d.f.) Vetta d'Italia... e qi infatti avem anca trova' la famosa scala del diaol. La relaziom che ghevo la parleva quasi come se se dovesa pasarla co l'imbrago.... ma no!!! Se la fa sligai! Se ricosteggia cosi' tutt el vallom che la mattina even pasa' dal font, mantegnindose en quota fim al rifugio e quindi se scominzia la discesa che porta direttamente alle ultime case del paess en fondoval. Qi el Stefano, per el fastidio al ginocio (7 ore de caminada, la meta' su per marocchi) l'ha preferi' lanciarse zo per i prai, mi e 'l Max envenze avem continua' dal senter... e finalmente vers le zinque e en quart erem al torrente a... sorarne i pei ('l Max el s'e' trat zo tut, ma a mi la me pareva masa freda!). Doveroso quindi en bon taglier de speck tipico all'agritur del paes :peca' sol che 'l speck no i lo da' affetta' ma a blocchi!!!! E cosi' tra na ciacera e l'altra sem restai anca d'acordo che a breve narem a tor consulto dal bom vecio Reinold a Solda e co la scusa a tastar en bom piat dei so Yak. L'era ormai le 6 e meza che montevem en macchina....Sem arivai a Roveredo vers le 9.... Ero propri strac: dopo en bocom per zena, som riusi a 'ndromenzarme vesti' sul let con ancor su i calzetoni da montagna!
| Se se inoltra en la testata dela val.... | |
|
...ma la e' longa! | finalmente en fond al vallom se ariva al rifugio Tridentina (drio i ghiacciai che sale a sinistra vers el Picco dei 3 Signori, non visibile) quindi se gira a sinistra e se ricosteggia la val endrio... | |
|
fim che se ariva sotto la Vetta d'Italia: la g'ha bem poc dela zima, ma se la riconos perche' enzima gh'e' costrui' en fortim. | Finalmente enzima! Foto di vetta.....d'italia! | |
|
Dala zima (notare la gresta di confine nell'ombra) vardando vers l'Austria se vede via el Gross Venediger. | ma el temp el peggiora de colp e taca a fiocar! Gh'e' da nar! Qi erem sulle pietraie sotto la vetta che ritachevem la discesa. | |
|
dopo aver ricosteggia' el vallom, encontrem finalmente la scala del Diaol.... no so quanti scalini de leign che gh'e' su! |
